МОНГОЛ ҮНДЭСНИЙ АРДЧИЛСАН НАМЫН ХӨТӨЛБӨР
Монгол үндэстэн - Монгол иргэншил - Монгол төр - Монгол бодлого
ЭРХЭМ ЗОРИЛГО
Монгол Үндэсний Ардчилсан Нам нь Монгол Улсын тогтвортой хөгжил, аюулгүй байдлыг бататган бэхжүүлж, төрт ёс, түүх, өв соёлынхооуламжлалыг нандигнан өвлөж, хүний эрх, шударга ёс, хууль дээдлэх ёс, үндэсний эв нэгдлийг эрхэмлэн дээдэлж, төрийн тогтвортой байдлыг хангахыг эрхэм зорилго болгоно.
ҮЗЭЛ БАРИМТЛАЛ, ҮНЭТ ЗҮЙЛС
Үндэсний үзэл
Монгол Улсын үндэсний аюулгүй байдал, тусгаар тогтнолыг хамгаалж, үндэсний эрх ашигт нийцсэн, бие даасан гадаад бодлогыг хэрэгжүүлэх, үндэсний соёл, түүх, уламжлалаа дээдлэн хөгжүүлж, үндэсний бахархлыг бадрааж ирээдүй хойч үедээ өвлүүлэх болой.
ҮЙЛ АЖИЛЛАГААНЫ БОДЛОГО, ЧИГЛЭЛ
Монголчуудын ахуй соёл, амьдралын уламжлалт хэв маяг нь “Нүүдэлчний
нийгэм”-ээс тэс өөр бөгөөд “Монгол иргэншил” болохыг ухаарах хэрэгтэй. Уламжлал
дээр суурилсан орчин цагтай зохицсон “Монгол иргэншил”-ийг цогцлоож хамгаалан
хөгжүүлэх нь бидний бодлогын цөм байх учиртай.
Үндэстний баялаг бол Монгол хүн, түүний оршин буй орон зай, газар, байгалийн
баялаг, ус агаар, үндэсний үйлдвэр, дэд бүтэц, үндэстний шинжлэх ухаан, түүх соёл, ой санамж гэдэг баримтлалыг мөрдүүлэх нь нэн чухал болой!
МҮАН-ын гишүүд, дэмжигчид бид:
Үндэсний язгуур эрх ашиг, төр улсынхаа тусгаар тогтнол, ард түмнийхээ эв нэгдлийг эрхэмлэн дээдэлж, үндэстэнийхээ онцлог, өвөрмөц байдал, түүх
соёлоо хамгаалан хөгжүүлж, эх орныхоо ирээдүйн өмнө
хариуцлага хүлээн намын үзэл баримтлал, эрхэм зорилго,
хөтөлбөр, үнэт зүйлээр эвлэлдэн нэгдэж хамтран ажиллахаа
батлан илэрхийлж байна.
01
Үндэсний тусгаар тогтнол, аюулгүй байдал
Монгол Улсын үндэсний аюулгүй байдал, тусгаар тогтнолыг хамгаалж, үндэсний эрх ашигт нийцсэн, бие даасан гадаад бодлогыг хэрэгжүүлнэ. Үндэсний соёл, түүх, уламжлалаа дээдлэн хөгжүүлж, үндэсний бахархлыг бадраана
02
Байгаль орчин, тогтвортой хөгжил
Байгаль орчноо унаган төрхөөр нь хамгаалах, хойч үедээ өвлүүлэхийг чухалчлан, байгалийн баялгийн зөв зохистой, тэнцвэртэй ашиглалт, хөгжүүлэлтийг дэмжих замаар тогтвортой хөгжлийг хангана.
Экосистемийн тэнцвэрт байдлыг хадгалсан, ногоон хөгжлийг хангасан хариуцлагатай хөдөө аж ахуй, үйлдвэрлэлийг хөгжүүлнэ.
03
Төрийн хязгаарлагдмал оролцоо, хариуцлагатай засаглал, шударга ёс
Хүний эрх, эрх чөлөө, шударга ёсыг дээдэлсэн эрх зүйн шинэчлэлийг эхлүүлж, хууль, ёсыг дээдэлсэн, нээлттэй, хариуцлагатай, авлигаас ангид төрийн тогтолцоо, засаглалыг бий болгоно.
МОНГОЛ ҮНДЭСНИЙ АРДЧИЛСАН НАМ
Асуулт, Хариулт
Тогтмол асуугддаг асуултууд
